દહેગામમાં સ્વચ્છતા અભિયાન કેટલુ સફળ કેટલુ નિષ્ફળ
February 11, 2018
બીજા તબક્કાના દબાણ હટાવ અભિયાન થી દહેગામમાં હડકંપ
February 24, 2018

ઉંટડીયા મહાદેવ :

સમગ્ર દહેગામ અને આસપાસના વિસ્તારમાં નાના બાળકોની બાબરી ઉતરાવાના શ્રેષ્ઠ સ્થળ તરીકે જાણીતા આ સ્થળના ઈતિહાસના તાર મહાભારત ને અડે છે. વાત્રક નદીના કાંઠે આવેલુ મહાદેવના મંદીરનો પોતાનો ઈતિહાસ તો છે જ પરંતુ સાથે સાથે મહાભારતમાં દર્શાવાયેલુ હીડમ્બા વન એ સમયે વાત્રક નદીની આસપાસ સુધી હોવાનુ મનાય છે દહેગામની આસપાસનો વિસ્તાર પણ જે તે સમયે આ વનનો જ એક ભાગ હોઈ શકે.  આ જ વિસ્તારમાં પાંડવો દ્વારા તૈયાર કરાયેલો હવનકુંડ પણ આવેલો છે. જેમાંથી આજદિન સુધી રાખ નીકળે છે જેને નિહાળવા માટે તો આપે ઉંટડીયા મહાદેવની મુલાકાત લેવી જ રહી. હવે આટલો સમૃધ્ધ ઈતિહાસ ધરાવતા હોવા છતાં પણ જો તેનો ફાયદો ન લઈ શકો તો એ આપણી જ ખામી ગણાશે.

દહેગામમાં  આ ઉપરાંત નિલકંઠ મહાદેવ મંદિર, ઉત્કંઠેશ્વર મહાદેવ મંદીર, હાટકેશ્વર મહાદેવ, સિધ્ધેશ્વર મહાદેવના મંદિરો લગભગ ૧૦૦ વર્ષ જુનો પોતાનો વિશેષ ઈતિહાસ ધરાવે છે. આ મંદિરની જાળવણી કરી અને તેને પ્રવાસીઓ સાથે અવગત કરાવીને એક નવીન તકને વિકસીત કરી શકાય. અલબત આ સંભાવનાઓને વાસ્તવિક રુપ આપવા માટે અનેક પ્રયાસો આવશ્યક છે અને ઔડા ગાર્ડન જેવી સુવિધાઓ પણ જળવાતી નથી ત્યારે તંત્ર પાસેથી આ પ્રકારની અપેક્ષા રાખવી વધુ ગણાશે તેમ છતાં પણ સત્તાધીશો આ તરફ પગલા લેશે તો એ સરાહનીય ગણાશે.

Source: dahegam

Facebook Comments

mm
Mydahegam
અમદાવાદ અને ગાંધીનગર જેવા ગુજરાતના ગ્રોથ એન્જીન ગણાતા બે મહાનગરોના ત્રિભેટે આવેલુ ગોકુળીયુ ગામ દહેગામ વર્ષો જુનો ઈતિહાસ ધરાવે છે. દહેગામ તાલુકા અને તેની આસપાસના ગામોને જો સમાવી લઈએ, તો અંહી વસ્તી ૨ લાખ જેવી થવા જાય છે.

Leave a Reply

Your email address will not be published. Required fields are marked *